故事: 一隊pop band是如何練成的

“我叫淦灶"

我其實叫林植. 唔好同我個名開玩笑. 我呢D音樂人最憎就是講笑. 亦唔好把我跟那條填詞死基佬相提並論. 首先, 我覺得我靚仔好很多囉. 不過, 有樣野我同他都是相似的. 我都會把自己個名TUNE TUNE佢, 令佢變成有D型格. 好似水禾田呀. 久石讓呀. Even G-dragon呀. 做Artist的. 做Musician的. 一定要有個勁名. 而我好清楚, 老豆老母改我個名真是唔夠勁. 就算英文都唔夠勁. 無論是 jake lin, 定是 vegetation lin, 都是唔夠勁. Vegan 或者 Vege 可能會好少少. 但當你睇過cbeebees 的Mr. Bloom. 聽過 night night vege之後, 你一定唔會容許呢個名再喺你面前出現. OK? 我好難頂咁俾人叫左Vege達十年後, 一上U, 我就正式要稱自己叫 淦灶 . 只欠木的意思. 其實回想. 作為基督徒老豆老母. 佢地算是有點自我. 開通. 唔算最柒嗰隻. 我以前番主日學. D同學個個唔係主愛, 就是恩澤恩霖. 有個老豆老母仲痴撚線. 真是要加個撚字. 幫個仔改做靈果. 聖靈果子咁喎. 姓招的. 你話佢人生之後點呢….

一個自少就番教會的人, 一個自少就在教會學結他的人, 你能想像有多老土. 那種土, 只要你上台彈一下, 就已經出事. “嘩! 你好足印呀!" 我真是有同學咁樣講過我. 即使我身上戴上的是Epiphone Le Paul Traditional Pro. 而我, 最討厭是老土. 所以亦最討厭自己.  話知你是歐陽靖, 條頸有個勁字, 你Rap到Kanye West咁, 個頭戴住個Beat, un 吓un 吓咁都好, 你Rap Jesus I love you 都是永不超生的. 所以到我16歲, 我都學人同屋企人come out. 講? 都話Artist咯…. 梗係行為藝術啦. 就在一個一望無際, 悠然自得的清晨, 老豆老母聽緊瘋SHOW快活人之際, 我就在沖涼房nude住上身, 下身當然褸住毛巾, 行出來. 胸口就是昨日喺旺角花園街呀MC 耀幫我紋的字. Esusi Umiral. 俄文. Jesus has died. 尼采. 仲要個Esusi 個右下角有滴血的. 連埋隻耳環同手上的佛珠. 成惠$1500. 老豆老母瞪眼大口, 呆了五分鐘. 明晒啦….

“不如你地先介紹一下自己先." 呢度是邵夫書完的Band 房. 好細. D光管好光. D櫃好橙. 好多塵. 個Band So 師兄, Vicent. 真是冇串串錯. 唔係Vincent. 佢叫自己做域(粵音陽平聲)聲(粵音陽平聲). 唔緊要. 我都叫淦灶.

“你叫我黑Cal, 我玩base的." 一個頭髮生到磨菇, 架粗黑框眼鏡的肥仔在我左邊.

“到你." Vicent 向著我點一點頭.

“我叫淦灶"

“咁難讀. 有冇英文名?"

“Vicent 都難讀." 唔好以為我Year 1就可以點來點去師兄. 呢道唔係港人. 是我心中那一句.

“咁你玩咩架?"

“結他"

“OK…..你呢?" 大家望向一個成日頭DUP DUP一直唔出聲的女仔.

“我叫靜" 真是好靜. 間房較大少少冷氣都會蓋過的微弱聲線. 在我的另一邊. 但我只看到頭髮.

“你玩MUD架…." Vicent 問.

“我…..可以唱歌…" 完全無起伏的微弱. 就好像一陣夏日打風前的風一樣. 無力. 還有點奙悶. 點唱歌呢她?

“咁不如大家試玩一次先." Vicent 說. 著自己可以打鼓. 他還說唱歌的試下揀歌. 點知她話淨係識Cantopop同Mandopop. Shit! 玩埋呢次可以走得. 我來是尋找生命. 我唔要死的音樂呀!!!! (假設這還自音樂).

“都唔緊要啦…你講一隻."

仆你個街. 仲要是容祖兒…..條女真是混桔的. 你係咪去錯地方呀! 呢度唔係NEWAY喎…….不過算…我只此一次….. 點知佢一開口….成個房都靜止. 因為….真是掂….

“如果  愛情狂烈到可怕程度

連受傷都不控訴

怕你告別得更早…

大家亦不約而同俾佢第一個verse 齋唱. 冇人捨得嘈雜這把聲. 這把都是偏靜, 好像一手扼得碎的聲音.

亦由嗰日起, 我暫時放下我原本的音樂理想. 如果我有甚麼理想的話.

廣告

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s

%d 位部落客按了讚: