有得你食你仲想點撚樣啫?

點樣開始好呢…

不如, 我們由自殺開始. 首先. 睇得報紙多, 你會知道, 報紙的A版有pattern的. 假設嗰年冇咩大大獲的話. 就會一個月報一樣. 跟住下個月又做另一樣. 每年重覆. 所以當去到五月, 人力資源顧問一定會被訪問, 講而家D見工者有多不濟. 去到十二月至二月, 就會有港女港男交溝趣事. 去到某個月就會講痴線佬殺人. 某個月醫療事故. 更扺死的是: 份份報紙個週期都差唔多. 讀者的錯覺就自然會覺得嗰期, 甚至嗰年, 那件社會事件特別嚴重. 但當找到數據, 又會發覺, 跟上年是差不多的.

所以依我推段, 這個月, 報紙周期到了兒童壓力問題. 亦即係話, 香港終於有罕見的平靜. 否則, 就會有大大單的事件來打破這個周期….所以報紙今期集中講兒童自殺, 乃港人之福. 正所謂, 日日都有人死架啦…日日都有人跳樓架啦. 別上鋼上線…這些事一單都嫌多, 但生於世上, 去廁所發現無廁紙的事亦是一單都嫌多的, 尤其是你肚痾時. 那即是, 兒童自殺事件, 震撼力雖大, 亦只是跟無廁紙同級, 無什麼大不了.

反而昨日聽這段由24分鐘開始的專題, 更令人關注. 兒童要長期服抗抑鬱葯的比例升到一個地步, 就變成女人要打BOTOX一樣咁普遍. 去到德國這些發達大國更去到接近30%. 記住喎…德國乃港童天堂…未到六歲唔準讀書的…冇得學雙位加減. 冇得學分數. 冇得默 We save paper save wood 我的家在中國的. 咁正的地方都抑鬱?

http://www.bbc.co.uk/programmes/b072hlp2

不如用另一個角度看: 天堂都抑鬱, 那地獄有幾個跳樓濕濕碎了. 無廁紙痾屎咁啫……. 小題大造….又是社會問題? 一個人自行選擇決定自己的生死, 正所謂 “條命是我自己架!", 幾時又變成是社會問題呀……我以前細個咪又係咁, 你面對的問題, 我都面對過..我都做過靚仔的…..我都好憎過呢樣嗰樣的….我都冇死, 是你廢啫….而家有得你食抗抑鬱葯, 有得你住喺老豆老母度, 又有得睇達哥, 有得一年去日本幾次 (我當年諗都唔洗諗啦), 你仲想點撚樣啫….

你看到那個narrative 有咩問題? 我看不到有咩問題.. 我只看到有人有以上你所講的生命生命這好家伙, 那麼多的娛樂, 那麼好的資源, 消費, 依然去死, 咩即係, 至少對那些抑鬱傾跳人士來說, 解決不到他們的問題. 而你覺得咁樣就解決到問題. 或者可以compromise唔再去問問題. 或者你堅強, 從來唔覺個世界有問題, 唔代表就冇問題. 上面的專題有樣好. 就是不嘗試用你的高度去看/解釋這問題. 而是選擇坐在那青年旁邊, 聽佢彈結他 (彈得OK), 聽佢講佢的問題….然後搞完一輪, 都唔去想方法解釋個問題. 點解? 因為冇答案咯….因為暫時無一個肯定的答案. 如果任何人有, 無論左右, 恭喜你, 你的驕傲已使你變得非常討厭.

最近看Happy Valley這套劇, 真心講, 好好睇(女性主義者會好開心)….happy valley 發生在一個叫halifax的地方, 入面個個都唔happy. 主角個孫Ryan, 是強姦犯強姦主角個女已生的. 個女因為抑鬱自殺. Ryan唔知. 強姦犯條女偷偷送盒超勁玩具放門後, 寫著from Dad. 主角一知道即刻從Ryan手中搶來丟了. RYAN好興 (正常吖). 主角話我買過一盒一模一樣比你. 佢真是做左.

RYAN: 我唔要.

SARAH: 點解唔要

RYAN: 都唔一樣

SARAH: 一模一樣喎

RYAN: 唔同架…嗰盒爸爸送的.

如果你擁有上面的大智慧, 你的對白可能是: 有得你玩你仲想點撚樣啫…… 但如果是咁, 成個故事就比你毁掉….因為在人與人的關係中, 你的自負及愚頑使故事變得好乏力乏啫, 只餘下銅板下的機械….那樣的故事, 留番比你.

廣告

有得你食你仲想點撚樣啫? 有 “ 1 則迴響 ”

  1. 一次不诚实,就能够摧毁一个人的声誉;而要重建一份已经失去的声誉却相当困难。

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s

%d 位部落客按了讚:
search previous next tag category expand menu location phone mail time cart zoom edit close