Let’s Talk about….A Life

原本想著在這裡扮晒慈父咁打篇如何表達對他的愛和期望….點知因為答一(或兩)個網友的疑問(或挑釁)*,昨日在twitter已打了太多,已經攰,不想再多打了。還好,講完輕鬆晒,回家又跟他們說故事。

BBC 現在播的是The Bridge,唔洗戴耳塞了。因為是丹麥語,係唔係都是開字幕的。更多時間接觸他們,或被他們接觸。

但倒有一樣事跟昨日的討論有點關係,就是我那位做放數同波欖的中學同學。他是我最記在心的同學之一,但亦是最少見的之一。你知嘛….我最討厭這個社會就是只要那人成績不及其他人就仿佛有條Kim Kardartian 乳溝的精英主義,在沙田官立中學這些濕鳩學校都習以為常。但你又無可奈何,甚麼的成績,決定你什麼的班級,決定你的peer是甚麼的人,而你又會遇見什麼的未來佈景,過怎樣的生活。悶到呢……我說想自殺不是沒有原因的…..人生半點驚喜都沒有,平淡如水,你早點死,還可以叫跟命運拗拗氣……

講回我那中學同學。自認識他開始已是覺得奇怪。癲癲得得,卻每每講話都比其他精英有智慧,更operational,更能講句" how dare you"。當然他跟隨其大哥從事信貸業務,也是令人非常奇怪。在他未安定下來,還是北上背靠祖國,從事Multi-layered Marketing時,我又未結婚,有個基督徒女朋友,教會受著一點為何跟未信的人一起的壓力,而我又只是一個濕鳩Mphil時,我跟他釣過一次魚(literally)。

條女話想結婚,但好多野都解決不來。

例如?

例如….我冇錢…我冇屋….我未READY….我未信教….

我覺得因為呢D野而決定結唔結婚好撚9喎…

….

你地D人成日都係諗, 我要解決到D乜野乜野, 有D乜野, 先好做一樣野…先好結婚, 生仔….但其實結婚就是一齊去解決你講嗰D問題吖嘛….最重要是你想唔想….

….咁….信教嗰度…

嗰度…你有冇諗過叫佢唔好信同你一齊先….你試過未先….

咁又未…..

未即係你唔肯去解決問題囉….

兩三年後, 我用另一個方法解決問題….同佢一齊番教會, 做個不三不四的基督徒…結婚, 搵工, 又搵工, 又搵工….又讀書….又墮胎…又生仔…又生女….又買樓….又放樓….一路到而家…過住我認為要成日做D好重要的決定, 但又冇乜人幫到你, 冇祝福, 又恩典, 但同事又冇咀咒 (生於此地已是最大咀咒吧…) 的生活….

而那位朋友, 都好久不見, 好像住在沙田, 繼續從事娛樂信貸, 有老婆有仔有女….但據聞D錢唔見得光, 要過著比較隱凂的生活….

 

*呢PART講笑…繼續CHEERAH

廣告

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s

%d 位部落客按了讚: