#打爆機時說愛你。貳。終於輪到我這個領航員

HmhLRQs

經一輪介紹下,原來碧咸是愛爾蘭來的建築學生,話TAKE個GAP YEAR來港教英文喎。佢個名叫CHRIS O’DONNELLE。咁點解教英文可以鼠入去港大做GYM呢,就不得而知。好喇,你們當然會諗個故會否成日中英夾雜呢?會否講語言誤會呢?答案是唔會的。因為作者話佢英文有限喎!就當嗰D語言誤會飛走晒喎!OK故事開始。

CHRIS:「好對唔住,是咪嘈到你地?」
呈書:「唔會。八點啫」
肥妹:「你揼到零晨佢都唔會介意的」
呈書厲眼瞪肥妹。
CHRIS:「其他野我都諗住聽日先搞,但呢個盒。。。」
鏡頭立刻ZOOM過去,一個非常舊,桃棕色,一尺乘尺半的盒。CHRIS繼續道;
「我搬嚟時,架VAN仔太快撞到它。我驚它爛所以想拿拿聲進行修補」
果然是單純的愛爾蘭人,叫雞記竟然相信傢私可完好無損。呈書相信那個盒對他一定很重要。呈書按耐直上170的上壓,友善迎賓:「我就住喺隔離咋,有咩事即管叫我吧」
我地個"地"字完全飛晒,呈書的世界由現在開始就連家人都如漫畫背景灰化的擱在一旁。

講左咁耐我是邊個?我是肥妹中同,上大學後到了中大計算機科學。可能跟肥妹太熟,不覺意被姐妹了。時間撥返去中三先,當時我是插班生,初到貴境,個個都對我很好奇,就只有她,一入課室就徑自走到課室角落低下頭沉思,仿佛超然物外,太凌波零了。到班主任召我出來自我介紹,她仍是低下頭。這種孤高對當時的我來說實在太吸引了。當然事後知道她只是在打機。我個名? 我姓林,叫振英,搭落個名度原本都OK的,但好竟不常,上大學,政壇真是出左個振英。咁我地呢D同名的點?唔好撚提咯。。。有乜點。講番正題,為左追一個唔多講野,只會打機睇漫畫的凌波零,只可以從此努力愛其所愛,爭取話語權吧。自此,EVA呀、劍心呀、高達WING呀、SEED呀、鬼武者呀、JOJO冒險呀、MONSTER、棋魂、HALO、DIABLO、BF、愛之戢(咩嚟?作者話做RESEARCH做唔切老作喎!),總之就搞到同佢共同志趣為止。她亦似乎不介意有我在。我地都會傾計架,幾時?打緊ONLINE時咯。有時尐龍呀怪獸呀放緊飯時,我地就會傾,傾吓哥哥呈書的事。她是非常錫哥哥的,亦清楚哥哥是十分需要被照顧的人。嘩!知咁多佢的野關係一定非比尋常吧。一係戀人、一係老死啦。當然是我想前者她只當後者吧。還好的只是,我不像其他的實體兵,在現實世界有許多被發現蛛絲馬跡的舉動:幫手抽手袋呀、送花送公仔呀、有時觀音為給你點甜頭人前跟你耳語呀。。。肥妹對我和對其他人都一視同仁。。。地不瞅不睬。我頂多只是網路上的吉姆,即是生是死都唔多覺眼#SOSAD#

到要考大學,在想她那麼愛遊戲世界和電腦,實是會報計算機之類的科目。竟然。。。
「BIOCHEM?」
「嗯」
「點解唔係電腦呢?」
「港大都冇電腦,難道要山長水遠走到中大科大讀嗎?那也太麻煩了。況且科科也一樣吧。出來都是無所事事的」
「咁我報不報生化好呢?」
「你冇一次合格噃呢科」
就這樣我就只可以繼續做我的吉姆。。或姐妹吧。讀者必定會覺得這隻振英吉姆為溝女完全沒了自己,最後女又溝唔到,還天生背負著這麼丟人的名字的人,失敗者。不過放心吧,良仔也能做齣好戲的。

只是作者說還未諗到我這角色可怎樣處署,又要擱下等待了。

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s

%d 位部落客按了讚:
search previous next tag category expand menu location phone mail time cart zoom edit close